3 Fruits For Diabetes: ప్రస్తుతకాలంలో డయాబెటిస్ చాలా సాధారణం అయిపోయింది. ఈ వ్యాధికి అతి పెద్ద కారణం అనారోగ్యకరమైన జీవనశైలి, ఆహారపు అలవాట్లే. ఇక డయాబెటిస్ ఉన్న రోగులు వారి ఆరోగ్యం, ఆహారం పట్ల ప్రత్యేక శ్రద్ధ వహించాలి. ఎందుకంటే కొంచెం అజాగ్రత్త కూడా మీ ఆరోగ్యాన్ని నాశనం చేస్తుంది.
డయాబెటిస్‌లో తినడానికి నిషేధించబడినవి చాలా ఉన్నాయి. ఎందుకంటే అవి షుగర్ లెవల్స్ ను పెంచుతుంది. అయితే కొన్ని ఆహారాలు మీ డైట్ లో చేర్చుకోవడం వల్ల మీకు ఉన్న హై షుగర్ కూడా కంట్రోల్ అవుతుంది.. అది ఎలానో.. ఏ ఫ్రూట్స్ తింటే షుగర్ లెవల్స్ తగ్గుతాయి ఇప్పుడు తెలుసుకుందాం..
మల్బరీ: మల్బరీ ఆరోగ్యానికి చాలా ప్రయోజనకరంగా ఉంటుంది. ఇందులో విటమిన్ సి, కె, ఐరన్, కాల్షియం, పొటాషియం వంటి పోషకాలు ఉన్నాయి, ఇవి రక్తంలో షుగర్ లెవల్స్ ను నియంత్రించడంలో సహాయపడతాయి. మల్బరీలలో ఫైబర్, ఫ్లేవనాయిడ్లు కూడా ఉంటాయి, ఇవి టైప్ 2 డయాబెటిస్‌కు ప్రభావవంతంగా పని చేస్తాయ్.
నల్ల ద్రాక్ష: ద్రాక్ష అనేది ప్రతి ఒక్కరూ ఇష్టపడి తినే పండు. మీరు రోజూ ద్రాక్షను తీసుకుంటే, అది షుగర్ లెవల్స్ కంట్రోల్ చెయ్యడంలో సహాయపడుతుంది. నల్ల ద్రాక్షలో మంచి ఫైబర్ ఉంటుంది, ఇది చక్కెర స్థాయిలను తగ్గించడంలో సహాయపడుతుంది.
నేరేడుపండు: నేరేడుపండు చాలా తక్కువ గ్లైసెమిక్ సూచికను కలిగి ఉంటుంది. అటువంటి పరిస్థితిలో, నేరేడుపండు తినడం వల్ల రక్తంలో చక్కెర స్థాయిలు నియంత్రించబడతాయి. దీనితో పాటు, నేరేడుపండు ఇన్సులిన్ సెన్సిటివిటీని పెంచే సమ్మేళనాలను కూడా కలిగి ఉంటుంది. మధుమేహాన్ని నియంత్రించడానికి, నేరేడుపండు పండ్లు, నేరేడుపండు గింజల పొడి, నేరేడుపండు చెట్టు బెరడు మొదలైనవి తీసుకుంటే మరీ మంచిది.
డయాబెటిస్ లక్షణాలు: కొన్నిసార్లు మనకు డయాబెటిస్ ఉందని కూడా మనం గ్రహించలేము. కాబట్టి, మొదట, మీరు దాని ప్రభావానికి గురవుతున్నారో లేదో తెలుసుకోండి. శరీరంలో షుగర్ లెవల్స్ పెరిగేకొద్దీ, రాత్రిపూట మూత్ర విసర్జన, దాహం, వివరించలేని బరువు తగ్గడం, ఆకలి లేకపోవడం, దృష్టి మసకబారడం, చేతులు కాళ్ళలో తిమ్మిరి, నయం కాని గాయాలు, చర్మం పొడిబారడం, అలసట వంటి లక్షణాలు డయాబెటిస్ లక్షణాలు. ఇవి కనిపిస్తే వెంటనే షుగర్ టెస్ట్ చేసుకుంటే మంచిది.
Disclaimer: ఈ ఆర్టికల్‌లో ఇచ్చినది సాధారణ సమాచారం. ఇది అందరికీ ఒకే రకంగా వర్తించకపోవచ్చు. వ్యక్తుల ఆరోగ్యాన్ని బట్టీ ఫలితాలు ఉంటాయి. దీన్ని లెక్కలోకి తీసుకునే ముందు.. సంబంధిత నిపుణుల సలహాలు తీసుకోండి.